I ftuar në emisionin e mëngjesit “Ditë e Re” në RTV Ora ka qenë mjeku dhe eksperiti i çështjeve të duhanit, Roland Shuperka.
Ai ka treguar se në Shqipëri 1 në 3 persona mbi 15 vjeç konsumojnë duhan dhe kjo është diçka alarmante. Gjithashtu ai shprehet se në Shqipëria është vendi i vetëm në botë që shet cigare të hapura dhe shumë lirë. Një paketë me 20 copë mund të shiten vetëm për 500 lekë të vjetra.
Kriza ekonimike dhe financiare që vazhdimisht vendi ynë kalon, a e redukton ndopak numrin e duhanpirësve se paketat e cigareve po kushtojnë shumë shtrenjt?
Roland Shuperka: Është e vërtetë që kriza ndikon në uljen e konumimit të duhanit, por tek ne ndodh një gjë shumë e çuditshme. Është vendi i vetëm në botë që edhe pse qeveria i rrit takst, akcizat, çmimet e duhanit në mënyrë progresive dhe kjo është një gjë shumë e mirë, ka paketa që tregtohen nga tregëtarët e paligjshëm, cigare të bëra vetë që shiten në kuti 20 cigare me një çmim 500 lekë të vjetra. Kjo është e paimagjinueshme dhe jemi vendi i vetëm në botë që shesim cigare kaq të lira. Kjo është tregti e paligjshme.
