Borussia Monchegladbach ka triumfuar me rezultatin 4-1 ndaj Union Berlin-in, në ndeshjen e vlefshme për javën e 29-të të Bundesligës.
Vendasit e mbyllën pjesën e parë në avantazh të dyfishtë me golat e Neuhaus dhe Thuram përkatësisht në minutat 17-të dhe 41-të. Në pjesën e dytë miqtë reaguan duke shkurtuar diferencat në minutën e 50-të, ku autor i golit ishte sulmuesi Anderson.
Gjithsesi shpresat e tyre për një barazim të rezultatin nuk zgjatën shumë, pasi 9-të minuta më vonë Thuram shënoi dopietën e tij personale dhe golin e tretë për skuadrën e tij. Rezultatin përfundimtar 4-1 e vendosi sulmuesi Alassane Plea në minutën e 81-të.
Me këtë sukses MonchegladBach ngjitet në vendin e tretë në kuotën e 56 pikëve, 1 më pak se Dortmundi i vendit të dytë por me një ndeshje më pak.
