Policia vë në pranga dy personat e dyshuar si autorë të vrasjes së 47-vjeçarit Aleksandër Bardhi, vëllai i ish kreut të njësisë administrative të Kaçinarit të rrethit Mirditë Petrit Bardhi.
Blutë kanë arrestuar shtetasit Fernando Dedën 25 vjeç dhe Gj. A 16 vjeç.
Dy të rinjtë akuzohen për veprën penale të vrasjes e kryer në bashkëpunim.
Sipas bluve dyshohet se vrasja ka ndodhur për motive të dobëta.
Aleksandër Bardhi u gjet i vrarë me armë zjarri në fshatin Shëndëlli, Sarandës.
Sipas një njoftimi të Policisë së qytetit bregdetar, trupi i viktimës është dërguar në spitalin e Sarandës rreth orës 00:35 me plagë të shkaktuara me armë zjarri.
Nga të dhënat e para dyshohet se ndaj viktimës është qëlluar me armë tip kallashnikov.
