Inspektuesit në komunën e Negrar di Valpolicella në veri të Veronës publikuan imazhe të pllakave të ruajtura mirë të varrosura nën metra tokë.
Sipas zyrtarëve, studiuesit gjetën së pari prova të një vile romake atje më shumë se një shekull më parë. Teknikët janë akoma duke gërmuar butësisht vendin për të parë shtrirjen e plotë të ndërtesës antike.
Fotografitë e postuara në internet tregojnë mozaikun e pacenuar, si dhe themelet e vilës. Një shënim në webfaqen e komunës thuhet se gërmuesit më në fund e bënë zbulimin “pas dekadash përpjekjesh të dështuara”.
Inspektuesit do të lidhen me pronarët e vreshtit dhe bashkisë “për të identifikuar mënyrat më të përshtatshme për ta bërë këtë thesar arkeologjik të fshehur nën këmbët tona në dispozicion dhe të vizitueshëm”.
Teknikët do të kenë nevojë për “burime të rëndësishme” për të përfunduar punën. Por autoritetet lokale janë zotuar të japin “të gjithë ndihmën e nevojshme” për të vazhduar me gërmimet.
Pompei – qyteti romak i varrosur pas shpërthimit të malit Vesuvius – zyrtarisht u rihap në publik të martën pas muajsh mbyllje për shkak të pandemisë koronavirus.
Akropoli i famshëm i Greqisë u rihap për vizitorët në fillim të këtij muaji.
