Bundesliga mbyll sot javën e tretë që pas rikthimit të futbollit më 16 maj. Kampionati gjerman aktualisht ndodhet në raundin e 28-të dhe sot luhen plot pesë sfida që përmbyllin këtë javë.
Sfida që spikat më së shumti është ajo mes Leipzigu-t dhe Herthës së Berlinit. Vendasit do të shpresojnë të marrin pikët e plota nga ky takim që do ta ngjisnin në vendin e dytë me pikë të barabartë me Borussian e Dortmundit. Gjithsesi ky objektiv nuk do të jetë i lehtë, pasi Hertha e ka rinisur më së miri kampionatin e tyre, duke arritur 2 fitore radhazi dhe duke shënuar 7 gola dhe mos pësuar asnjë.
Ky takim luhet në orën 18:30, ndërkohë në orën 20:30 luhen 4 sfida të tjera të këtij raundi ku spikat mbi të gjitha takimi mes Fortuna Dusseldorf të Valon Berishës dhe Schalke 04, një ndeshje ku nuk ka favorite. Ndeshjet e tjera janë Augsburg-Paderborn, Hoffenheim-Koln dhe Union Berlin-Mainz.
