Duke komentuar në emisionin Open mesazhin e Ambasadores, Yuri Kim për ‘marrëveshje pas krahëve’ për të vrarë reformën në drejtësi, gazetari Andi Bushati e krahasoi Ambasadën Amerikane me ‘zyrën e marrëdhënieve me publikun’ të regjimit të Edi Ramës.
“Nuk mund ta mendoja se ambasada amerikane mund të bëhej zyra e PR e këtij regjimi. Këta duan një armik. Deri në 2017 armiku i reformës ishte Lul Basha dhe Monika Kryemadhi. Tashmë ata skanë dorë, janë OJF. Skanë dorë në Reformën në Drejtësi, tashmë nxjerrin armik presidentin”, tha Bushati.
