Ousmane Dembele u transferua te Barcelona në verën e vitit 2017, nga skuadra e Borussia Dortmund për 125 milionë euro.
Tashmë 23-vjeç, Dembele nuk ka arritur të ketë vazhdimësi me katalanasit dhe një rol kanë luajtur dëmtimet e shumta.
Tashmë siç raporton Diario Sport, Barcelona dëshiron ta shesë lojtarin dhe kanë ulur vlerën e kartonit të tij në mënyrë drastike. Katalanasit janë të gatshëm ta shesin atë për vetëm 42 milionë euro.
Interesim për francezin kanë shfaqur Paris Saint-Germain, Arsenal, Chelsea, Liverpool dhe Bayern Munich.
Në anën tjetër, Barcelona do të shpresojë që të transferojë Neymarin, në mënyrë që të forcojë më shumë skuadrën dhe shitja e Dembele do të sillte kapital në arritjen e objektivit të tyre.
