Prej ditësh tashmë, futbollistët e Vllaznisë në akord me njëri-tjetrin kanë bojkotuar stërvitjen në ambientet e klubit për shkak të problemeve me pagat.
Para pak ditësh për këtë situatë të nderë ka folur kapiteni i skuadrës Gilman Lika. 33-vjeçari deklaroi se lojtarëve të klubit shkodran nuk u është shpërndarë rroga që nga muaji janar dhe në kushte të tilla nuk mund të mendohet për futboll.
Tashmë “Panorama Sport” raporton se është arritur marrëveshja mes palëve, për të zgjidhur këtë situatë kritike. Mësohet se senatorët e ekipit, kanë rënë dakord me kryebashkiaken Ademi, që të dalin nesër në stërvitje dhe të vazhdojnë përgatitjet normalisht për rifillimin e kampionit. Numri një i klubit, znj, Voltana Ademi, u ka premtuar lojtarëve se çështja financiare do të zgjidhet para ndeshjes së parë në 3 qershor.
