Kreu i Departamentit të Rendit dhe Sigurisë, Enkelejd Alibeaj ka dalë në një deklaratë për mediat ku rrjeshton të gjitha raportimet e fundit të mediave të huaja për gjëndjen e drogës në Shqipëri.
Duke filluar nga media greke ku publikuai para dy ditësh se “Escobari I Ballkanit” Klement Balili feston lirshëm në Sarandë dhe askush nuk e shqetëson deri tek ngarkesat me kanabis që janë kapur në Itali dhe reportazhet e gazetarëve anglezë për avionët e drogës. Duke iu refruar këtyre denoncimeve, Abibeaj ka akuzuar Ramën dhe Tahirin se kanë mohuar realitetit dhe janë tallur me shqiptarët.
Deklarata e plotë
Gazeta më e rëndësishme greke, Kathimerini shkruan se Klement Balili, i konsideruar nga CNN si eskobari i Ballkanit, feston çdo natë lirshëm në Sarandë, edhe pse është në kërkim ndërkombëtar për trafik droge.
Mediat italiane çdo ditë raportojnë ngarkesa droge që mbërrijnë nga Shqipëria me skaf apo në rrugë të tjera. Vetëm sasia e kapur në muajt gusht¬shtator në Itali, e raportuar nga mediat, është 12 ton drogë. Drogë e rritur, e kultivuar, e magazinuar, e transportuar nga Shqipëria drejt Italisë.
The Economist, revista lider në botë shkruan se situata e drogës në Shqipëri është përkeqësuar. Pista e avionëve të drogës 1.8 kilometra është ndërtuar në mes të vendit, Lumi Zezë ka habitur dje banorët e Fushë Krujës se është mbushur me kanabis që vjen nga kodrat.
Me gjithë këto fakte, me gjithë këto ngjarje të përditshme, Edi Rama dhe Tahiri i tij thonë se në Shqipëri nuk ka drogë, dhe se degën e fundit e sekuestruan ata në një studio televizive. Dhe shfaqet edhe më i paturpshëm drejtori i Policisë, Cako, i cili deklaron se monitorimet nga ajri tregojnë se nuk ka kanabis në vend. Duke u tallur me shqiptarët dhe me partnerët italianë, me Guardia di Finanza, e cila është çdo ditë në aksion duke kapur drogë shqiptare që mbërrin në brigjet e shtetit fqinj. Pra pasi mbuloi Shqipërinë me kanabis, Edi Rama ka zgjedhur ta mohojë atë. Po shqiptarët e dinë, e shohin çdo ditë, dhe po e vuajnë këtë rrënim të vendit nga droga, nga droga që mbyt ekonominë e ndershme, shfrytëzon tokat dhe burimet, që sjell vrasje e hasmëri, që kap pushtetin, drejtësinë, që shkatërron votën e lirë. Dhe shqiptarët po reflektojnë e do të bashkohen për ta ndalur këtë të keqe. Shqipëria më mirë pa Edi Ramën.
