Në këto moment po luhet sfida mes Paderborn-it dhe Hoffeheim, sfidë e cila është mbërthyer në rezultatin 1-1.
Mesfushori shqiptar i Paderborn, Klaus Gjasula, në sfidën e sotme është ndëshkuar karton të verdhë në minutën e 61-të pas një faulli ndaj kundërshtarit.
Me këtë karton të verdhë, ai tashmë numëron plot 14 të tillë në vetëm 24 ndeshje të luajtura ndërsa është pranë arritjes së rekordit në Bundesliga. Rekordi me më shumë kartonë të verdhë për një sezon është me 17 ndëshkime, ndërsa duket se një shifër e tillë kapet lehtësisht nga shqiptari.
Në fakt nuk ka asgjë për tu mburrur pasi mbetet një rekord negativ, por Gjasulës po i besohet rregullisht vendi i titullarit te Paderborn dhe te një kampionat i madh siç është Bundesliga.
