Bayern Munich luan sot ndeshjen e tyre të dytë që pas rifillimit të futbollit në Gjermani. Pas fitores së pastër 0-2 në transfertën e Union Berlin, kampionët e Bundesligës presin në shtëpi në orën 18:30 Eintrachtin e Frankfurtit.
Ndeshja e parë e sezonit mes këtyre skuadrave ishte një surprizë e madhe. Në ndeshjen e luajtur në nëntor të 2019, Eintracht arriti të dalë triumfuese me rezultatin e thellë 5-1, duke shokuar bavarezët.
Tashmë në “Allianz Arena”, 28 herë kampionët e Gjermanisë do të kenë mundësinë e revanshit, duke marrë parasysh që nën drejtimin e Hans-Dieter Flick, skuadra është rikthyer të jetë dominuese.
Bavarezët e kryesojnë Bundesligën në kuotën e 58 pikëve, 4 më shumë se Dortmundi i vendit të dytë. Nga ana tjetër miqtë gjenden në vështirësi dhe pozicionohen të 13-ët, ndërsa rregjistrojnë katër humbje radhazi.
Për sa i përket mungesave, për vendasit mungojnë Philipe Coutinho dhe Corentin Tolisso, të dy në fazën e rikuperimit pas ndërhyrjeve kirurgjikale. Për Eintracht Frankfurt do të mungojnë, Dominik Kohr, i cili është i pezulluar pasi mori kartonin e pestë të sezonit fundjavën e kaluar dhe sulmuesi Goncalo Paciencia që vuan nga problemet muskulore.
Formacionet e mundshme:
Bayern Munich: Neuer (c) – Pavard, Boateng, Alaba, Davies – Kimmich, Goretzka – Gnabry, Müller, Coman – Leëandoëski
Eintracht Frankfurt: Trapp – Toure, Abraham (c), Hinteregger, N’Dicka – Ilsanker, Rode – Chandler, Kamada, Kostic – Dost
