Ish-trajneri i Interit, Luigi Simoni, është ndarë sot nga jeta në moshën 81-vjeçare. Ai arriti të fitonte Kupën UEFA me zikaltrit në vitin 1998.
Gjatë karrierës së tij si futbollist, ai është aktivizuar me skuadrat e Juventusit, Napolit dhe Torinos.Simoni deri në vitin 2015 ishte president i Cremonezes, ku pjesë të skuadrës kishte edhe Rei Manajn, të cilin më pas ia shiti Interit.
Ndërkohë së fundmi nëpërmjet një postimi në faqen zyrtarë në “Instagram”, sulmuesi i Kombëtares shprehu hidhërimin e tij për ndarjen nga jeta të ish-presidentit.
“I dashur president, sot është një ditë shumë e errët për të gjithë dashamirësit e tu. Dua të të falënderoj për gjithçka ke bërë për mua. Ti gjithmonë më prite si djalin tënd dhe provove të më ndihmoje. Jam krenar që kisha një udhërrëfyes si ty, i respektueshëm, inteligjent. Tani nuk mund të gjej fjalët e duhura, më fal president. Faleminderit dhe faleminderit përsëri”, shkruan Rei Manaj.
https://www.instagram.com/p/CAfctdFKSAt/?utm_source=ig_web_copy_link
