Policia spanjolle ka bërë të mundur shkatërrimin e 6 laboratorëve për kultivimin e marijuanë dhe ka vënë në pranga 17 persona, shumica shqiptarë. Mediat spanjolle bëjnë me dije se në kuadër të këtij operacioni janë sekuestruar 162 kilogramë marijuanë e gatshme për tu shpërndarë në të gjithë Europën, më shumë se 3,000 bimë marijuanë, 9,000 euro, dy makina për paketim vakum, disa telefona celularë, një laptop dhe katër automjete.
Shtatëmbëdhjetë persona të nacionaliteteve të ndryshme janë arrestuar si autorë të dyshuar për krime kundër shëndetit publik, organizim kriminal, mashtrim me energjinë elektrike, pastrim parash, falsifikim dokumentash dhe shkelje të ligjit të imigracionit.
Agjentët kryen kontrolle 8 në shtëpi në qytetet Valenciane të Paterna, Estivella, Beniparrel, Moncada, Godella; Castellón dhe Ulldecona (Tarragona). Ky ishte një operacion hetimet e të cilit kanë nisur që në janar ku hetimet kanë nisur me përgjimin e një makine në Paterna që lëshoi një erë të fortë marijuanë. Agjentët ndaluan dy personat që ishin në makinë me origjinë shqiptare, për shkelje të ligjit të të huajve dhe u përpoqën pa sukses të lokalizonin departamentet e fshehura të substancës narkotike të quajtur “stalla”.
Deri në këtë moment, agjentët vazhduan me hetimet dhe lokalizuan disa shtëpi ku ata kultivonin marijuanën dhe që në të njëjtën kohë shërbenin si vendbanim për të arrestuarit.
Gjithahstu në kuadër të hetimeve, agjentët identifikuan personat që formuan organizatën kriminale, të përbërë kryesisht nga shtetas me origjinë shqiptare, dhe qendra e operacioneve e të cilëve ndodhej në qytetin e Paterna.
Organizata kriminale drejtuesi i të cilës është një person me origjinë shqiptare rekrutonte njerëz, shumë prej tyre pa punë dhe pa leje qëndrimi, të cilëve, pas një faze mësimi dhe motivimi, ata caktuan njërën nga shtëpitë në të cilën ishte vendosur një plantacion marijuanë, për të cilin duhej të kujdeseshin dhe ta grumbullonin. Në këtë mënyrë ata synuan të kalonin pa u vënë re në lagje.
