Ish-futbollisti i akademisë së PSG-së, Jordan Diakese ka ndërruar jetë në moshën 24 vjeçare.
Lajmin e hidhur e konfirmoi vetë klubi aktual i futbollistit, FC Furiani përmes rrjeteve sociale.
“Me hidhërim të thellë njoftojmë për vdekjen e futbollistit tonë, Jordan Diakese. Një lojtar fenomenal e një njeri që gjithmonë buzëqeshte dhe ndihmonte shokët e skuadrës. Klubi ynë është në zi. Ngushëllime familjes dhe miqve”, thuhet në njoftimin e Furianit.
Ai ka luajtur për gjeneratat U20 dhe U21 të Francës, por që nuk pati fat me akademinë e kampionëve francezë, pasi asnjëherë nuk iu dha rasti të luante me ekipin e parë.
