Mario Basler, ish-lojtar i Kombëtares së Gjermanisë dhe Bayern Munich, thotë se ndihet i zhgënjyer dhe i irrituar nga qasja e Milot Rashicës kohët fundit te Werder Bremen.
Sipas Basler vëmendja e Rashicës është e përqendruar diku tjetër dhe jo te klubi aktual, ndërsa kjo gjë ka sjellë dhe rënien në performancë të lojtarit. Duke mos dyshuar te talenti i shqiptarit, 51-vjeçari deklaron se Rashica nuk është produktiv në fushën e lojës dhe duket sikur vetëm ec në të pa asnjë qëllim.
“Mbase ai [Rashica] tashmë e ka ndonjë klub tjetër në mendje. Kjo është irrituese. Ai vetëm ec nëpër fushë, pavarësisht se është lojtar shumë i mirë, atij duket sikur i mungon busulla në fushë”, tha Basler.
