Një 50-vjeçar i shpallur në kërkim ndërkombëtar është kapur në Shijak.
Bëhet fjalë për shtetasin Rudin Koni, banues në Maminas, Durrës, i dënuar për trafikim të lëndëve narkotike nga autoritetet italiane.
“Ky shtetas ishte shpallur në kërkim ndërkombëtar nga autoritetet policore italiane, pasi Gjykata e Milanos, Itali, e ka dënuar këtë shtetas me 10 vjet burg, për kryerjen e veprës penale “Trafikimi i narkotikëve”, parashikuar nga Ligji italian për drogat. Ky shtetas, në bashkëpunim me persona të tjerë, ka trafikuar nga Shqipëria drejt Italisë, sasi lënde narkotike të llojit kokainë, me qëllim shitjen në Milano dhe Salento, Itali.” – njofton policia.
Arrestimi provizor u krye me qëllim ekstradimin e tij drejt Italisë.
