Edmond Budina, aktor dhe regjizor i njohur, tha se në një vend normal, me gjithë skandalet që kanë ndodhur në Shqipëri do të kishte dhënë dorëheqjen 10 herë.
Budina tha se me këtë Parlament siç është katandisur vendi duhet të shkojë drejt zgjedhjeve, ndërsa Kryebashkiaku Veliaj ka marrë 10 % të votave në një proces monist.
“Pra në një vend normal, duhej të kishin dhënë dorëheqjen, por këto marrin vendime dhe e trajtojnë këtë vend sikur e kanë pronën e tyre”, tha Budina.
Budina tha se çfarë janë këta Sulltanë, padronë, qeveritarë që nuk i përgjigjen vullnetit të popullit.
“Ne po nënshkruajmë një peticion, që do ia çojmë të gjitha institucioneve dhe ndërkombëtarëve”, tha ai.
Në vijim, Budina tha se është e turpshme loja e Kryeministrit dhe Qeverisë për t´u kundërvënë aktorëve kundër aktorëve.
Në replikë me Artan Imamin, Budina i tha “ti je kriminel, je grindavec partie, je pjesëmarrës në krim”.
Në përgjigje me Budinën, Imami i tha “ti më ke kërcënuar mua, kur të thashë do vij të të marr dy këmishat e mia, të të vijë turp, se kemi qenë edhe komshinj, edhe kolegë”.
