Gjykata e Tiranës ka dhënë sot masat e sigurisë për tetë personat e arrestuar në protestën e të dielës së 17 majit kundra shembjes së Teatrit Kombëtar
Gjykata ka caktur masën e sigurisë “arrest shtëpie” me afat deri më 3 qershor për Erik dhe Endrit Mërtirin, dhe “detyrim paraqitje” për kreun e Lëvizjes Vetëvendosja në Tiranë, Boiken Abazi, Kastriot Qeman, Romeo Lilën, Edion Xhoxhajn, Burim Tafilican dhe Sokol Ndojan.
Sot ka patur dhe protesta para gjykatës nga ana e anëtarëve të Lëvizjes Vetëvendosje, ndërsa dhe presidenti bëri thirrje të lirohen të burgosurit politik.
