Revista prestigjioze britanike “The Economist” në një shkrim me titull “Hash and burn”, flet për përpjekjet e Shqipërisë në kontrollin e përhapjes së plantacioneve të kanabisit.
Gazetari, Tim Judah që ishte i shoqëruar nga ministri i Brendshëm,Saimir Tahiri në një operacion për asgjësimin e disa bimëve kanabis, duke iu referuar një burimi diplomatik, shkruar se situata është duke
u përkeqësuar.
“Një burim diplomatik thotë se, problemi me kanabisin po “përkeqësohet”. Por, pavarësisht nga shkalla e vërtetë e zhdukjes, është e paqartë nëse politika nuk ka ndonjë ndikim të vërtetë.
Vende të tjera, si Maroku, gjithashtu furnizojnë Evropën me drogë. Në Amerikën Latine, në përgjithësi shkatërrimi i bimëve të kokas dëmton prodhuesit e vegjël, por i lë të paprekur bosët.
Tahiri është mospërfillës sidoqoftë. Pavarësisht burimeve të vogla kundër parasë së madhe të drogës, ai thotë se njerëzit e tij po punojnë më mirë se kurrë këtë vit.
Për qeverinë shqiptare kjo është një çështje e rendit dhe ligjit, dhe e besueshmërisë në Evropë – veçanërisht kur synon të hyjë në BE.
Tahiri thotë se mafiozët duhet të dinë se nuk ka më “të paprekshëm””, përfundon shkrimi i “The Economist”.
