Mino Raiola ka zbuluar pse klienti i tij Erling Haaland refuzoi një transferim te Juventusi në janar.
Gjatë merkatos së transferimeve disa muaj më parë, “Zonja e Vjetër” ishte ndër klubet e mëdha që e donin Haaland, por norvegjezi kaloi te Borussia Dortmund. Në një deklaratë të bujshme, Raiola ka thënë se Juventusi do ta aktivizonte 19-vjeçarin në skuadrën e U23, prandaj refuzuan një kalim në Torino. – raporton “La Repubblica”.
“Pse Haaland nuk kaloi te Juventus? Ata do ta vendosnin në skuadrën U23”, – ka thënë Raiola referuar faktit që te bardhezinjtë, nuk iu besojnë të rinjve.
19-vjeçari ka shkëlqyer te Dortmund gjatë këtij sezoni duke shënuar 13 gola në 12 ndeshje, ndërsa në total ka arritur të shënojë 40 gola në 34 paraqitje, duke përfshirë edhe skuadrën e vjetër RB Salzburg.
