Trajneri aktual i Bolognas, Sinisa Mihajlovic ka ndezur një dritë shprese për tifozët e klubit kuqeblu në lidhje me të ardhmen e sulmuesit suedez.
Gjatë muajit janar, 38-vjeçari zgjodhi Milanin, edhe pse Bologna e kërkoi. Por, tashmë Mihajlovic ka një tjetër mendim se çfarë do të bëjë. “Kam folur me të, sigurisht që nuk do të qëndrojë te Milani, por pyetja është: do të vijë te Bologna apo do të shkojë në Suedi?!”, tha serbi për televizionin Vece Sa Ivanom Ivanovicem.
E ardhmja e Zlatan prej kohësh mbetet e paqartë dhe këtë e ka pranuar vetë lojtari, ndërsa ka deklaruar se nuk e di të ardhmen e tij për sezonin e ardhshëm, ku opsion real mbetet edhe tërheqja nga futbolli.
