Bundesliga u rikthye ditën e djeshme pas më shumë se 2 muajsh pezullimi për shkak të pandemisë së coronavirusit.
Dje u luajtën pjesa më e madhe e ndeshjeve për javën e 26-të, ku ra në sy fitorja 4-0 e Dortmundit ndaj Schalke 04. Gjithsesi në fushë nuk zbritën kampionët e Bundesligës, Bayern Munich. Megjithatë pritja ka marrë fund dhe bavarezët rifillojnë kampionatin e tyre, sot në orën 18:00 në transfertë kundër Union Berlin.
Bayern Munich, kryesojnë kampionatin në kuotën e 55 pikëve, ndërsa përballë do të kenë një skuadër të sapoardhur në elitën e futbollit gjerman, ku aktualisht renditen në vendin e 12-të. Në këtë ndeshje kampionët në fuqi do të kërkojnë pikët e plota, kjo pas edhe fitores bindëse të rivalëve të Dortmundit që tashmë gjenden vetëm 1 pikë prapa tyre.
Nga ana tjetër Union Berlin kanë treguar se janë një kockë e fortë për tu kaluar dhe do të kërkojnë të përfitojnë sa më shumë në këtë ndeshje të parë pas një kohe të gjatë pezullimi.
Formacionet e mundshme:
Union Berlin (3-4-3): Gikiewicz; Subotic, Hubner, Schlotterbeck; Trimmel, Gentner, Andrich, Lenz; Ingvartsen, Andersson, Bulter
Bayern Munich (4-2-3-1): Neuer; Pavard, Boateng, Alaba, Davies; Thiago, Kimmich; Coman, Muller, Gnabry; Lewandowski
