Në këtë video shihet se si ish-deputetja Albana Vokshi ka rënë në një moment në tokë në përplasje e sipër me policinë.
Ajo gjendet aty e rrethuar nga disa uniforma blu, dhe duket në një çast jo të mirë. Aty afër janë protestues të tjerë që kërkojnë t’i bashkohen. Mes tyre edhe gazetari Enkel Demi.
Tensioni sa vjen e shtohet në Tiranë, në zonën pranë Teatrit Kombëtar, ku në orën 4.30 të mëngjesit ka nisur aksioni i shembjes së godinës, dhe po ashtu përplasja me aktivistë e me qytetarë që kanë dalë në mbrojtje të këtij institucioni.
