“Hashashi vijon fuqishëm! Qartësisht duket kështu”, shkruan ish-ministri i Drejtësisë, Ylli Manjani, në një postim në rrjetet sociale, ndërsa shton se për disa kohë u ndërpre kultivimi, pasi kishte mbiprodhim.
Manjani shkruan se ka disa ditë që po zbulojnë edhe vetë policët ara e fidanë hashashi, duhet të bënin diçka dhe ata që të mos e bënin baltë fare.
“Imagjinoni sa nuk zbulohet… Njësoj si më parë. Bëjmë sikur e ndalojmë, kapim sa për sy e faqe dhe puna vazhdon…”, shkruan Manjani.
Postimi nga Manjani
Hashashi vijon fuqishëm! Qartësisht duket kështu.
Kur e tha prokurori i Antimafies Italiane, bënin si gore. Nuk lanë gjë pa shpikur e sajuar kundër Tij dhe RAI3 që e denoncoi. Kërcënuan edhe me gjyqe.
Para pak ditësh bëri një deklarim jo të paguximshëm edhe Prokurori ynë i Përgjithshëm. “Janë rritur rastet e kultivimit dhe trafikimit”- tha Ai.
Ka disa ditë që po zbulojnë edhe vetë policët ara e fidanë hashashi. Duhet të bënin diçka dhe ata që të mos e bënin baltë fare.
Imagjinoni sa nuk zbulohet… Njësoj si më parë. Bëjmë sikur e ndalojmë, kapim sa për sy e faqe dhe puna vazhdon…
Qartësisht duket se nuk është ndalur.
U ndërpre ca kohë jo se e ndaluan këta, por se pati mbiprodhim dhe nuk po shitej.
Legalizimi duket si justifikim.
Si tha zotnia?
“Kemi një vit që po punojmë…”
Fiks për aq kohë bëjnë fjalë prokurorët…
Desh llullati edhe BE-në me tym hashashi, por edhe ata e braktisën.
Po kur u thonë njerëzve “Ndalohet Duhani”!
#NdalohetDuhaniLejohetHashashi
