Në një intervistë për Ora News, gazetarja dhe drejtuesja e emisioni “Tempora” Sonila Meço, ka shprehur revoltimin e saj kundrejt gjobës që i është vënë emisionit që ajo drejton nga AMA.
Meço tha se në të gjitha televizionet e tjera evropiane lejohet të kesh më shumë se dy të ftuar, duke ruajtur distancën.
Meço: Gjoba i është akorduar programit “Tempora”. Vendimi për të mos pasur më shumë se 1 të ftuar është një alogjikë. Nuk është i bazuar në asnjë vend tjetër në Evropë, biles unë kam sjellë fakte edhe për televizionet e tjera evropiane që lejohet deri në 30 vetë të ftuar duke ruajtur distancën. Nuk jemi paralajmëruar për gjobën. Normalisht për këtë është bërë reagim dhe revoltë edhe nga gazetarët e tjerë.
Në cilat baza shkencore bazohet qeveria për ndërmarrjen e një rregulli të tillë? Pse ky rregull vlen vetëm për mediat, por jo për fasoneritë dhe për parukeritë, dhe në parlament ku janë në një sallë shumë frymë. Pse i lejohet kryeministrit që të qëndrojë me më shumë se 3 persona në një ambient më të vogël se ai i emisionit? Këto janë pyetje që duhen bërë dhe duhet marrë përgjigje.
Meço tha se rregullat e miratuara kanë një pikëpyetje të mëdha dhe një problem i tillë mund t’i ndodhë nesër çdo medie.
Meço: Në një moment kaq të vështirë që kalon Shqipëria kur kemi vendime që më herët dalin në facebook se sa në Fletoren Zyrtare, prandaj ne duhet të bëjmë transparencë. Si mund të realizohen programe të tilla, kur bota po hapet dhe vende të ngjashme me ne po ndjekin tjetër shembull.
I gjithë ansambli i rregullave ka pikëpyetje të mëdha. Nuk kemi parë akoma se cili është ky komunitet teknik që merr vendimet. Në një vend që periudha e fatkeqësisë natyre nga 30 ditë është bërë 60 ditë, kur nuk kemi një Gjykatë kushtetuese dhe kemi probleme të tjera. Shqetësimi im është që ky problem nesër do të jetë edhe i medieve të tjera.
Ne kemi trajtuar rastin e një zonë muzeale në Krujë që është vendosur ndërtesa e trashëgimisë apo rastin e Teatrit Kombëtar, që në kohë pandemie ndërhyhet për ta shembull. Në këtë situatë ne jemi të detyruar që t’i respektojmë me regorizitet të gjitha rregullat e vendosura, ndërsa qeveria mund të shembë, mund të ndërmarrë veprime me asnjë transparencë, duke anashkaluar parlamentin dhe gjykatat.
Sonila Meço, u shprehur se gazetarët janë të detyruar që të respektojnë me rigorozitet rregullat e vendosur, ndërsa qeveria mund të shembë dhe të bëjë veprime duke anashkaluar parlamentin e gjykatat.
Meço tha se rasti i gjobës nga emisionit “Tempora” mund të kthehet në një rast abuzimi me të drejtat dhe liritë e njerëzve, duke vendosur gjoba abuzive.
Meço: Në këtë situatë ne jemi të detyruar që t’i respektojmë me regorozitet të gjitha rregullat e vendosura, ndërsa qeveria mund të shembë, mund të ndërmarrë veprime me asnjë transparence, duke anashkaluar parlamentin dhe gjykatat. Pra, këtu është gjithë problemi, se kjo nuk është çështje vetëm e imja. Unë kam provuar edhe në vitin 2015 këtë gjë, ku pushteti është gjendur fajtor edhe në gjykata ndërkombëtare dhe nuk ka pasur pasojë.
Ky rast mund të kthehet në një abuzivitet për të marrë të drejtat dhe liritë dhe për të vendosur gjoba abuzive. Nëse ne e mirëkuptuam OSHEE-në që u vendosur vlera të faturimit për shkak të mungesë së kontrollit, si ka mundësi që autoritet nuk kupton individin. Këtu ka një problem në llogaridhënien e autoriteteve si dhe një disproporcion mes publikut dhe autoriteteve.
Meço shtoi se kjo kohë pandemie mund të shfrytëzohet për propagandë, prandaj është e nevojshme transparenca e medias.
Meço: Studiot televizive janë të hapur, qysh nga 3 veta deri në 30 veta. Media do të vazhdojë ta bëjë punën e saj edhe pa të ftuar në studio, edhe sikur të ndalohen emisionet televizive. Ka ardhur momenti që secili të ndërtojë median e tij, mund të mbyllen televizionet, se kjo qeverisje e ka precedentin.
Këtë pandemi mund ta shfrytëzojë shumë mirë propaganda ose publiku shqiptar, kështu që për mua është e papranueshme, se shikojmë ministrin në Vlorë i shoqëruar me shumë persona ose bizneset ku ka shumë klientë, duke mos respektuar distancën. Si ka mundësi që problemi është ky? Unë do të pres sepse-të e autoriteteve.
