Administratori i një subjekti privat në Devoll është proceduar penalisht, pasi është kapur duke transportuar lëndë drusore pa leje, si dhe ka fshehur të ardhurat duke mosdeklaruar pranë organeve tatimore 3 punëtorët e tij.
Bëhet fjalë për shtetasin B. D., 32 vjeç.
“Në fshatin Miras, Devoll, ky shtetas u kap duke transportuar me mjetin furgon tip “Benz”, 8 m sterë lëndë drusore, pa lejen e organeve përkatëse.
Nga verifikimet e mëtejshme hetimore, u konstatua se shtetasi i mësipërm duke qenë administrator i një subjekti privat për transportimin dhe tregëtimin e lëndës drusore, kishte fshehur të ardhurat pasi nuk kishte siguruar pranë organeve tatimore, 3 punëtorë të tij.” thuhet në njoftimin e policisë.
Ndaj 32-vjeçarit, ka filluar procedimi penal në gjendje të lirë dhe materialet i kaluan Prokurorisë pranë Gjykatës së Shkallës së Parë Korçë për veprime të mëtejshme.
