Ish-ministri i Drejtësisë Ylli Manjani ka reaguar pas lajmit se SPAK ka nisur hetimin për skandalin eTeatrit Kombëtar por pa autor konkret.
Në reagimin e tij në Facebok, Manjani shkruan se nëse kjo ëhstë e vërtetë atëherë SPAK mjafton të sekuestrojë dokumentet dhe me provat dokumentare dhe materiale më pas të shkojë tek autorët.
Sipas tij si fillim duhet të bllokojë pasojat e mëtejshme kriminiale dhe më pas le të vijojë hetimet.
Ja postimi i Manjanit:
Nëse vërtetë SPAK ka vendosur të hetojë për skandalin kompleks të Teatrit Kombëtar, qoftë dhe pa autor siç thonë lajmet, le të fillojë me sekuestrimin e dokumentave zyrtare si dhe të truallit e godinës së Teatrit.
Nga provat dokumentare e materiale shkohet tek autorët e veprave penale. Si metodologji do ishte shumë korrekte.
Ndërkohë edhe për ndaluar ardhjen e pasojave të mëtejshme kriminale duhet ta bllokojë për llogari të hetimit atë aset publik.
Nëse SPAK do të tregojë se është gjallë duhet ta bëjë këtë gjë. Tua heqë nga dora objektin “të dyshuarve të arsyeshëm” që duan të bëjnë krim me të.
Ta bllokojnë si fillim ardhjen e mëtejshme të pasojës kriminale dhe të hetojnë sa të duan dhe pa presion kohor. Çështja është vërtetë komplekse dhe përfshin shumë persona zyrtarë.
Do ishte një fillim i mbarë, nëse….
