Këngëtarja e muzikës popullore, Irini Qirjako ka treguar në një intervistë për gazetarin Ronaldo Sharka në emisionin “Mes Yjesh” në Ora News, një skenë xhelozie të bashkëshortit të saj që përfundoi me zënka.
Ajo tregoi se në fillimet e karrierës kur u fut në ansambël, meraku ishte shumë i madh dhe një ditë bashkëshorti e kishte përndjekur rrugës për në shtëpi.
“Në fillim kur u futa në ansambël ishte meraku i madh, mbaj mend kur u nisa, unë e kisha shtëpinë tek Shallvaret, dhe nisesha çdo mëngjes në punë në Teatrin e Operas. Një ditë kur po kthehesha më pyet bashkëshorti: Nga erdhe ti? Nga cila rrugë? Pse i thash, ti më ke përndjekur mua? Maskara! Më hypën nervat, u zumë u bëmë dhe pastaj kaloi!”– tregoi Irini.
