Nicklas Bendtner njihet për veprimet e tij kontroverse brenda dhe jashtë fushës. I njohur si “Lordi” sulmuesi danez ka treguar një pjesë të errët nga jeta e tij. Ai ka rrëfyer se ka humbur miliona euro duke luajtur poker.
“Kam luajtur shumë poker në jetën time. Kam luajtur kundër shumë profesionistëve që kur isha 19 vjeç. Vështirë të përcaktoj shumën që kam humbur, por mund të jetë diku 6 milionë euro. Një natë në Londër humba kontrollin dhe kam shumë para nga kursimet që kisha.”
“Unë nuk do të thosha se jam i varur nga kumari. Unë gjithmonë kam qenë në gjendje ta kontrolloj atë. Megjithatë në të kaluarën kam luajtur shuma vërtetë të mëdha. Veprime për të cilat jam penduar.”
