Kreu i Dhomës së Tregtisë, Nikolin Jaka duket se është ndalur në tre cështje kryesore që janë komentuar dhe debatuar më së shumti kohët e fundit. Ai ka hedhur idenë e lejimit të kanabisit për nevoja farmaceutike.
Në një deklaratë për mediat, Jaka pohoi se duhet të zbatohet formula, ashtu sikur në vendet europiane, si Hollanda, Italia dhe Greqia. Ai shtoi më tej se duhet të kemi qasje ligjore dhe për prostitucionin.
Përsa i përket projektligjit për importin e plehrave, Jaka gjatë një konference për shtyp u shpreh se një ligj i tillë duhet të votohet unanimisht pasi i shëben ekonomisë së vendit.
Importi i plehrave shkaktoi shumë debate dhe kundërshti në Komisionin e Veprimtarisë Prodhuese, por që në fund mori votat e nevojshme për kalimin në seancë plenare.
