Mark Clattenburg është rrëfyer për dy momente kontroverse në finalen e Ligës së Kampioneve të vitit 2016 mes Real Madridit dhe Atleticos së Madridit.
Clattenburg tashmë gjyqtar i tërhequr, ka pranuar se e ka akorduar në mënyrë të gabuar golin e parë të Real Madrid të shënuar nga Sergio Ramos në minutën e 15-të të takimit, ndërsa zbulon fjalët në drejtim të Pepes kur portugezi shkaktoi një 11-metërsh.
”Në finalen e “San Siro”, Reali shënoi, por goli ishte pozicion jashtë loje. Ne e mësuam pas përfundimit të pjesës së parë. Ishte një situatë e vështirë dhe asistenti im gaboi”,
”Më pas me fillimin e pjesës së dytë i dhashë Atleticos një penallti, në atë rast Pepe shkaktoi një faull ndaj Fernando Torresit. Pepe ishte shumë i inatosur dhe më foli anglisht, duke më thënë që nuk ishte penallti. “As goli juaj i parë nuk duhej dhënë’ iu përgjigja unë. Aty Pepe nuk foli më”, kujton anglezi.
https://www.youtube.com/watch?v=SNsEoYG6mWc
