Këtë të enjte, në vend është regjistruar temperatura 35ºC.
Shërbimi Meteorologjik Ushtarak bëri me dije se në Kuçovë u regjistrua vlera 34ºC, ndërsa në Tiranë 35ºC.
“Kjo situatë erdhi si pasojë e ndërhyrjes së rrymave të nxehta nga Saharaja, duke e cilësuar kështu si valën e parë të nxehtë të këtij viti. Këto rryma do të vijojnë të qarkullojnë edhe ditën e nesërme. Orët në vijim si dhe deri në mesditën e së premtes era e vrullshme jugore do të sjellë temperatura të larta dhe zagushi, pasi vranësirat shtresore do të mbeten prezente gjatë natës dhe mëngjesit të nesërm. Në mesditë, jugu i vendit parashikohet të shënojë vlerat më të larta të temperaturave. Era do të humbë forcë mesditën e së premtes, po kështu dhe valëzimi në dete”, njofton SHMU.
Ditën e nesërme, temperaturat parashikohen në vlerat:
- zonat malore 18º deri 30ºC
- zonat e ulëta 21º deri 34ºC
- zonat bregdetare 21º deri 31ºC
