Pas shqyrtimit të dokumentacioneve të vëna në dispozicion, Gjykata e Apelit ka pushuar çështjen për lobimin rus për kryedemokratin Lulzim Basha, ish-sekretarit të Përgjithshëm Arben Ristani dhe financierit të PD-së Ilir Dervishi për çështjen e lobimit rus në ShBA.
Sot, Apeli ka vendosur të lerë në fuqi vendimin e Gjykatës Penale me 13 janar e cila pushoi çështjen me argumentin se nuk kishte vepër penale.
Pas seancës së kësaj të enjteje, avokati i Bashës tha se nuk ka pasur asnjë provë të re.
Trupa gjykuese përbëhej nga Shpresa Becaj, Alaudin Malaj, Shkëlqim Mustafa.
Apeli vendosi se vendimi i marrë nga gjyqtari Lazër Sallaku që pushoi hetimin ndaj kryedemokratit Basha ishte i drejtë.
Më 13 janar gjyqtari Lazër Sallaku i cilësoi provat të pavlefshme duke rrëzuar akuzën për falsifikim kundër Lulzim Bashës dhe dy zyrtarëve të tjerë të PD-së, pasi sipas tij nuk faktohet një gjë e tillë.
Prokuroria nuk ishte dakord dhe vendosi ta apelonte ndërkohë që grupi i prokurorëve u nda në dy qëndrime ku njëri prej tyre, Kol Hysenaj, kërkoi rikthim të akteve për vijimin e hetimeve ndërsa tjetri vazhdimin e gjykimit.
