Policia e Tiranë ka goditur një rast të kultivimit të bimëve narkotike, duke arrestuar katër persona dhe shpall në kërkim dy të tjerë.
Në kuadër të operacionit “Zall Bastari” janë vënë në pranga shtetasit I. M., 45 vjeç, Q. M., 68 vjeç, B. H., 44 vjeç dhe L. M., 44 vjeçe, të katër banuesë në Tiranë;
Në kërkim janë shpallur shtetasit N. M., 44 vjeç dhe F. M., 43 vjeçe.
“Këta shtetas, në bashkëpunim me njëri-tjetrin, në vendin e quajtur “Zgurë”, Njësia Administrative Zall Bastar, në një serë kanë kultivuar në kubikë fara narkotike, të cilat po tentonin t’i mbillnin në tokë. Kubikët me fidanë kanabisi u asgjësuan gjatë operacionit dhe një pjesë e tyre u sekuestruan në cilësinë e provës materiale.” thuhet në njoftimin e policisë.
Materialet procedurale u referuan në Prokurorisë pranë Gjykatës së Shkallës së Parë Tiranë, për veprën penale “Kultivim i bimëve narkotike, kryer në bashkëpunim”.
