Bëhet me dije se Presidenti Ilir Meta do të bllokojë, ngrijë, çeshtjen e Teatrit për disa kohë, duke dorëzuar një kërkesë nesër paradite në Gjykatën Kushtetuese.-raporton Mapo.al. Meta do të kërkojë interpretimin e aktit të qeverisë që ja kalon Teatrin Kombëtar, Bashkisë së Tiranës.
Presidenti mendon se kjo nuk është në përputhje me Kushtetutën. Venia në levizje e Gjykatës e pezullon menjëherë cështjen, deri në një vendim të instancës më të lartë të drejtësisë ne vend.
Kjo duket një lëvizje edhe taktike, pasi ngjan se Veliaj e ka me shumë nxitim për ta marrë teatrin nën kontroll e për të vënë në jetë projektin për shembjen e tij, e ndërtimin e kullave me teatër të ri. Çka u pa dhe sot me dërgimin e policisë bashkiake, lëvizje që solli reagimin e menjëhershëm të artistëve dhe qytetarëve.
Aktivistët dhe mbrojtesit e teatrit janë vënë mesa duket në dijeni të asaj cka do bëjë kreu i shtetit nesër, pasi e lanë të kuptohet nga intervistat që dhanë pasdite në media./mapo.al/
