Refik Halili ishte i pranishëm në mbledhjen mes drejtuesve të FSHF-së dhe presidentëve të klubeve si numri 1 i klubit të Tiranës.
Presidenti i bardhebluve pas përfundimit të mbledhjes ka dhënë një pronuncim për mediat ku është shprehur I lumtur për mundësinë e rifillimit të futbollit dhe gjithashtu ka prekur disa tema të nxehta siç është çështja e liçensimit nga UEFA për Kupat e Europës dhe temën e titullit kampion.
“Uroj të jemi të gjithë mirë, mbas këtij sikleti të madh që kanë kaluar të gjithë njerëzit. Mirë është që të luhet futboll. Në qoftë se futbollistët do të rrinë edhe 2-3 muaj pa luajtur, është një humbje e madhe sportive. Masat janë gjëra të realizueshme, gjithsesi do të shikojmë, si janë hotelet dhe të gjitha me radhë.
Titulli? “Për titullin edhe do të flasim, por më mirë të flasim më vonë. Ne jemi para dhe do të marshojmë. Sa i përket festës është prishur çështja e tifozerisë, kur të filloj kampionati do mendojnë. Unë kam shpresa të rikthimi i tifozëve, ne do gjejmë një formë për të festuar”.
Liçencimi? “Tre kritere që ka Federata dhe UEFA ne i kemi plotësuar. Përfitoj nga rasti që klubi ka bërë punë së bashku me stafin e Federatës. Si dokumentacion është gati dhe marrëveshjen e kemi arritur me tatimet”.
