Bukuroshja e ekranit shqiptar Hueyda El Saied është e lirë tashmë të dalë nga banesa e saj në Luksemburg, pasi karantina ka marrë fund atje.
Ajo ka treguar me anë të një video se ka 3 arsye përse nuk del, dhe një prej tyre është se karantina duhet të kishte mbaruar me një kriter.
Sipas saj, fillimisht duhet të ishin lejuar të dilnin djemtë e bukur, dhe pastaj vajzat normale që kanë marrë ndonjë kilogramë gjatë izolimit.
Ajo thotë se tani që lejohet dalja dhe takimi me miqtë, nuk ka më lezet pasi i pëlqente të dilte si klandestine, duke iu fshehur policisë.
“Që dje në Luksemburg ka mbaruar karantina por unë s’kam dalë për 3 arsye. E para, se e dala nuk ka më lezet, më pëlqente kur dilja si klandestine, me frikën se do të më ndalonte policia. Së dyti, mbarimi i karantinës më ka zhgënjyer. Unë mendoj se në fillim duhet të kishin lënë të dilnin meshkujt e pashëm dhe femrat normale si unë. Dhe pas një ose dy muaji të liheshin ato vajza që gjatë karantinës u ushtruan dhe nuk kanë shtuar asnjë kilogram. Së treti, nuk kam dalë se teksa bëra sport për t’u dobësuar dëmtova një brinjë dhe mezi marr frymë. Por nesër do të dal se dua të vendos atë maskën që të merr frymë, por të bën të dukesh misterioz” – thotë ndër të tjerash në video.
