Një ditë më parë Banka Europiane për Rindërtim dhe Zhvillim në raportin e fundit parashikon që ekonomia shqiptare do të ketë rënie ekonomike me 9%.
Pikërisht për këtë ka reaguar sot kryetari i Partisë Demokratike, Lulzim Basha, që sipas tij kjo ndodh për faktin se kryeministri Rama paguan me paratë e shqiptarëve, oligarkët dhe miqtë e tij.
“Ekonomia jonë pritet të tkurret me 9%, më keq se në cdo vend tjetër, sepse RAMAVIRUSI zgjodhi të paguajë me paratë e shqiptarëve miqtë e tij oligarkë dhe jo njerëzit e bizneset. Prej RAMAVIRUSIT njerëzit janë sot pa punë, të varfëruar dhe pa asnjë mundësi të përballojnë krizën”, shkruan Basha në Twitter.
BERZH parashikoi një ulje me 9% të ekonomisë shqiptare për 2020, ndërsa aga ana tjetër banka pret që rimëkëmbja të jetë e shpejtë gjatë vitit 2021 me një rritje të Prodhimit të Brendshëm Bruto prej 12.0 për qind.
