Qeveria angleze është shprehur qartësisht dhe ka lejuar aktivitetet sportive në vend duke filluar nga data 1 qershor.
Por problemet për rifillimin e Premier league qëndrojnë më thellë, jo vetëm sepse 8 klube nuk janë dakort për rifillimin por së fundmi edhe lojtarët kanë dalë kundër. Duke iu referuar lajmit të publikuar nga “Daily Mail”, disa prej lojtarëve më të famshëm kanë lajmëruar klubet e tyre se nuk kanë ndërmend të rinisin stërvitjen.
Rifillimi i stërvitjes në Angli është fiksuar të hënën më 18 maj, me masat që tanimë i kemi mësuar: punë në grupe të vogla në distancë. Një zgjidhje që mesa duket nuk u pëlqen shumë lojtarëve, të cilët janë shprehur qartësisht si në publik ashtu dhe te drejtuesit se nuk kanë ndërmend të nisin aktivitetin fizik përpara se gjendja e Covid-19 të normalizohet.
