Oficerë të antidrogës kanë shkuar sonte në ambientet e televizionit “News24” për të sekuestruar bimën e kanabisit që drejtuesja e emisionit, Eni Vasili e përdori gjatë emisionit.
Me të mbërritur në News 24, oficerët e antidrogës nisën kontaktet me drejtuesit e “News 24”, ndërsa gazetarja Eni Vasili u detyrua të firmosë një procesverbal për dorëzimin e bimës së hashashit dhe të tregojë sesi i ra në duar.
Gazetarja dhe moderatorja Eni Vasili e hapi ndryshe emisionin e saj të mbrëmjes “Studio e hapur” në News 24. Ajo u shfaq në nisje të emisionit me një bimë kanabisi në duar, për të treguar se pikërisht për të flet sot politika e policia.
