Pavarësisht instikteve të tij të rralla përpara portës, shpejtësia ka qenë gjithmonë arma më shkatërruese e Kylian Mbappe.
Pavarësisht moshës së tij të re, francezi ka ndërtuar reputacionin e tij në botën e futbollit diçka që do ta pasurojë vazhdimisht me kalimin e viteve.
Shoku i tij i skuadrës te PSG, Ander Herrera e konsideron të riun tejet të talentuar. Mesfushori spanjoll pranon se ai dhe kolegët e klubit shpesh herë duken si fëmijë para shpejtësisë së Mbappe në seancat stërvitore.
Duke folur për ESPN ai tha: “Ndonjëherë në stërvitje, ai duket sikur po stërvitet me fëmijë. Mënyra si ai shkon, mënyra si ai lëviz, ai ju lë pas tij. Mënyra se si vrapon dhe lëviz, të lë gjithmonë prapa.”
“Duket sikur ne jemi 12 vjeç dhe ai është Usain Bolt. Dhe kur ai është përballë portierit ka aftësinë të ndalojë dhe të tregohet gjakftohtë duke shënuar. Kjo gjë padyshim që nuk është e lehtë ta bësh.”
“Ai ka ekuilibrin midis shpejtësisë, forcës dhe qetësisë për të shënuar gola. Brenda vitit 2025, me siguri ai do ta ketë fituar “Topin e Artë”. Mbappe i ka të gjitha mundësitë për t’u bërë lojtari më i mirë në botë”.
