Fabio Cannavaro beson se Real Madridi ka nevojë për Kylian Mbappen në mënyrë që të nis një epokë të ngjashme me atë të Cristiano Ronaldos në klub.
Mbappe vazhdon të jetë i lidhur me një transferim te Real Madrid nga PSG, ku ai luan prej tre viteve. Gjithsesi ish-mbrojtësi legjendar, beson se do të jetë shumë e vështirë që “Los Blancos” të nënshkruajnë me yllin e Paris Saint-Germain.
“Real Madridi kanë nevojë për lojtarë si Mbappe, një yll i ri që mund të ndiqte gjurmët e Cristiano Ronaldos”.
“Është normale që Madridi dëshiron të nënshkruajë me të, por gjithashtu duhet të merret parasysh që pronarëve të PSG nuk u duhen para. Ata janë ambiciozë dhe duan të fitojnë Ligën e Kampionëve”.
“Unë mendoj se do të jetë e vështirë për Madridin ta marr. Presidenti i PSG është një person që dëshiron të fitojë. Unë i njoh mirë ata dhe do të luftojnë për të mbajtur Mbappen”, ka thënë Cannavaro.
