11 persona kanë rezultuar pozitiv me COVID-19 në 24 orët e fundit në Kosovë, nga 196 teste të realizuara.
Lajmin e ka bërë të ditur Instituti Kombëtar i Shëndetësisë Publike të Kosovës.
Rastet e reja janë raste kontakti nga: komuna e Vushtrrisë 5 raste, komuna e Prizrenit 3 raste, komuna e Prishtinës 2 raste dhe 1 rast me vendbanim në Ferizaj.
Deri më tani në Kosovë, numri në total i të infektuarëve me COVID-19 ka arritur në 895 persona.
Gjatë 24 orëve të fundit betejën me COVID-19 në Kosovë e kanë fituar dhe 2 pacientë të tjerë, duke e çuar në 657 numrin në total të të shëruarëve në vend.
Në Kosovë, deri më tani janë regjistruar 28 viktima nga COVID-19.
