U duk se Juventusi kreu dy blerje të goditura me parametra zero verën e kaluar, pasi nënshkroi me mesfushorët Aaron Ramsey dhe Adrien Rabiot. Por rendimenti i të dy futbollistëve në sezonin aktual ka qenë poshtë pritshmërive.
Ndërkohë Paolo Di Canio një ish-futbollist i njohur teksa ka lavdëruar kontributet e uellsianit, Ramsey të njëjtën gjë nuk ka bërë për Adrien Rabiot. 51-vjeçari në një analizë për Sky Sport, habitet nga stili i lojës së Rabiot, që sipas tij nuk i ofron asgjë Juventusit.
“Ramsey ka zgjidhur shumë probleme në mesfushën e Juventusit. Ai nuk është një fenomen, por ia del të prishë skemat e kundërshtarëve. Aaron shënon gola, dhuron asiste dhe organizon lojën. Juventusi filloi të krijonte raste kur Lyonit në momentin që ai u fut në fushë. Ramsey ia del të prishë ekuilibrat.
Juventusi ka qenë një skuadër me një lojë të parashikueshme dhe pa pikë fantazie. Rabiot i pason vetëm atij që ka anash dhe shokëve që ka pas. Nuk afron asgjë në skuadër. Ka luajtur 23 ndeshje dhe nuk ka gjuajtur kurrë në portë. Si nuk gjuajti njëherë nga mesi i fushës për fiksim, të paktën për ta provuar”, deklaron Di Canio.
