Ashtu si shumë kampionate në Europë, edhe IPKO Superliga e Kosovës është e ndalur. Në Kosovë në luftën për titullin kampion janë plot tre skuadra, Ballkani, Gjilani dhe Prishtina të cilat ndahen midis tyre nga vetëm tre pikë.
Një debat i madh po bëhet në lidhje me rifillimin e sezonit aktual. Kështu një ndihmesë të madhe drejt rinisjes të futbollit ka bërë presidenti i klubit të Prishtinës, Remzi Ejupi, i cili ka siguruar 11 mijë teste për COVID-19 që do të jenë në dispozicion të gjithë lojtarëve.
Gjithashtu biznesmeni i njohur, bëri me dije se po punon gjithashtu që të sigurojë dhe 20 mijë testime për qytetarët e Kosovës.
“Jemi angazhuar të sigurojmë 11 mijë teste të COVID-19 për futbollin. Jemi konsultuar me të gjithë, pa dashur të bëjmë ndonjë gabim. 1000 teste do t’i dedikohen Preshevës, Medvegjës dhe Bujanovcit, kurse për futbollin do të ketë mjaftueshëm.”
“Edhe me dy afaristë të mëdhenj që janë në Gjermani, do të arrijmë të sigurojmë rreth 20 mijë teste. Një pjesë e testeve kanë arritur, dhe një pjesë e testeve arrin më pas. Jemi në konsultim me autoritetet shtetërore dhe do të presim verdiktin. Shpresojmë që garat të mbyllen në fushë dhe jo në tavolinë“, ka deklaruar presidenti i Prishtinës
