La Liga ka propozuar datën 12 qershor për të rinisur futbollin ndërsa deri atëherë do të ketë kaluar më shumë se një muaj trajnim, kohë e rekomanduar nga autoritetet shëndetësore.
Megjithatë data për rifillimin e futbollit mbetet subjekt i miratimit nga Ministria e Shëndetësisë, por klubet tashmë janë paralajmëruar për të qenë të përgatitur, ndërsa 19 qershori do të konsiderohet një alternativë.
Sipas protokollit të sigurisë, lojtarët e infektuar do të duhet të karantinohen në shtëpi, duke kryer të njëjtin aktivitet fizik individual që kanë bërë deri më tani, sipas udhëzimeve të klubeve përkatëse.
Në ditët në vijim, ata do të kryejnë një test të ri për COVID-19 dhe, pasi të kenë marrë dy rezultate negative, do të jenë në gjendje të bashkohen në seancat stërvitore në ambientet e klubit. Për më tepër, La Liga do t’u ofrojë mundësinë për të kryer teste edhe njerëzve që jetojnë me futbollistët që preken nga coronavirusi.
