Flamur Gjuzi, drejtori i ALUZINI¬t në Durrës është plagosur me armë, teksa ka qenë në një bar kafe.
Ngjarja është denoncuar nga Partia Demokratike, e cila akuzon policinë për mbajtjen e fshehtë të plagosjes dhe shton se pas saj fshihen pazaret e pista të legalizimeve.
Përmes një deklarate PD, thekson se “Ngjarja që ka ndodhur për pazare legalizimesh, është mbajtur e fshehur nga policia, dhe ka pasur tentativë për ta trajtuar sikur është qëlluar në ajër, ndërkohë që drejtori i ALUIZNI është plagosur në këmbë. Për të fshehur ngjarjen është kujdesur Drejtori i Policisë së Durrësit”.
Deklarata
Pak ditë më parë raportohet se është plagosur me armë drejtori i Aluiznit në Durrës, Flamur Gjuzi, në bar kafe Cafetino, nga një shtetas me inicialet G.XH. Ngjarja që ka ndodhur për pazare legalizimesh, është mbajtur e fshehur nga policia, dhe ka pasur tentativë për ta trajtuar sikur është qëlluar në ajër, ndërkohë që drejtori i aluzinit është plagosur në këmbë. Për të fshehur ngjarjen është kujdesur Drejtori i Policisë së Durrësit. Partia Demokratike denoncon me forcë fshehjen e kësaj ngjarje të rëndë, dhe përfshirjen e drejtpërdrejtë të njerëzve të Edi Ramës në këto pazare. Kjo është një provë tjetër që tregon se drejtuesit e Ramës nuk janë aty për të zbatuar ligjin, po për të mbyllur hesapet.
Partia Demokratike kërkon të bëhet menjëherë transparencë për rrethanat dhe motivet. Cdo fshehje e mëtejshme e ngjarjes është një krim edhe më e i rëndë që bëhet me dijeninë e bekimin e Edi Ramës.
