Ministrja e Shëndetësisë Ogerta Manstirliu ka dhënë detajet në lidhje me planin e rihapjes pas datës 18 maj.
Përmes një video në rrjetet sociale ajo bëri me dije se pas kësaj date do të hapen muzetë, galeritë e arteve dhe sitet arkeologjike.
Ndërkohë që do të hapen dhe baret e restorantet, por vetëm në ambjentet e jashtme dhe deri në orën 17:30. Ministrja tha se do lejohen stervitjet individuale ne vende te hapura të sportistëve, por nuk do të lejohen aktivitetet sportive dhe kulturore.
Ministrja bëri me dije se transporti publik nuk do të rifillojë pas kësaj date.
“Në vijim të Planit të rihapjes, nëse do të vijojmë të kemi tregues të qëndrueshëm, sa i përket rasteve aktive ditore, numrit të shtruarve në spitale, pacientëve në terapi intensive, kemi planifikuar që prej datës 18 Maj:
Do të fillojë zhvillimi i procesit mësimor dhe provimeve të maturës shtetërore sipas udhëzimeve dhe protokolleve të miratuara nga Ministria e Shëndetësise.
Po në këtë datë planifikojmë të hapen njësitë e shërbimit, bare dhe restorante vetëm në ambjentet e jashtme deri në orën 17:30.
Duke filluar nga data 18 Maj shtohen fluturimet e riatdhesimit, me detyrimin për vetekarantiim në banesë.
Prej dates 18 Maj planifikohet të hapen nën rregulla rigoroze, muzetë, galeritë e arteve dhe sitet arkeologjike sipas protokolleve dhe udhëzimeve të miratuara.
Nga data 18 Maj do të lejohen me protokolle dhe masa sigurie dhe stërvitjet individuale të sportistëve në ambjente të hapura.
Do të vijojnë të jenë të ndaluara aktivitetet kulturore dhe sportive në ambientet e hapura dhe të mbyllura.
Po kështu do të vijojë të mbetet në fuqi ndalimi i grumbullimeve me shumë se pesë personave në ambientet publike si dhe do të mbetet i mbyllur dhe transporti publik”,– sqaroi ministrja.
Manstirliu bëri me dije dhe se në datën 1 qershor është planifikuar dhe rihapja e kopshteve dhe çerdheve.
