Mjeku i njohur, Pëllumb Pipero, tha se ka një skepticizëm kudo në Botë të qytetarëve për vaksinën Covid-19.
Lidhur me testet serelogjike, Pipero tha se pozitiviteti në dy spitalet Covid, për stafet mjekësore, ka qenë 15 %, ndërsa në tërësi për ato që konsiderohen si grupet e riskuara me epideminë ka qenë diku te 11.2 %.
I pyetur nëse koronavirusi transmetohet përmes rërës ose detit, Pipero tha se nuk transmetohet.
Madje, Pipero tha se koronavirusi nuk transmetohet as nga pickimet e mushkonjave, pasi nuk kemi të bëjmë me një vektor.
“Transmetohet përmes kontakteve të afërta, spërklave nga e folura ose teshtimat, apo duarve të infektuara kur i fusin në gojë, hundë apo prekin sytë”, tha Pipero.
Mjeku i njohur tha se nëse virusi do të rikthehej në vjeshtë apo dimër, nuk do të ketë masa të tilla karantine, pasi tashmë e dimë e njohim këtë virus dhe jemi më të përgatitur.
Pipero tha se forca e virusit ka rënë dhe hapja nuk rrezikon një infektim të gjerë. “Aktualisht forca e virusit është 0.6, mendoj se hapja do na rrisë imunitetin”, tha ai.
