Mjeku Tritan Kalo tha se është shumë e rëndësishme që hapja graduale të mos konsiderohet si “shqyrje”, ndërsa shtoi se qytetarët duhet të mësohen se COVID-19 do të bashkëjetojë me ne.
Mjeku nuk parashikoi një rishpërthim të rasteve në vjeshtë, por deklaroi se COVID-119 do të jetë prezent.
“Jemi në një stad për të vlerësuar 7 element, sjellja në mjedise familja,e sjellja në publik, distancimi publik, përdorimi i maskave, higjiena individuale ka bërë që të jemi në parameta normale. E rëndësishme, me hapjen graduale, ajo që mua si specialist më brengos që hapja të mos konsiderohet si shqyrje, por të respektojnë rregullat duke bindur veten që do jetojmë në një kohë ku rreth nesh ka COVID-19. Nëse do të bindemi, kam qartësinë e mendimit se do jemi në një situatë optimale. Nuk do të kemi kthim të valës së madhe të COVID në vjeshte, por do të jetë i përzërë me infeksione të tjera. Në vjeshtë, qarkullojnë dhe 3 viruse të tjera. Pra do të jetë përzierje të infeksioneve, tha Kalo në një komunikim “online” mes kryeministrit Edi Rama dhe Komitetit të Ekspertëve, i ngritur enkas për pandeminë.
“Për sa kohë nuk kemi një vaksinë, do të jetë vetë imunizimi aktiv i popullatës që do të shkaktojë zhdukjen e koronavirusit”, shtoi mjeku.
